Dē Veniā

IllōMt 18,1–6 tempore discipulī ad Iēsum accēdunt et rogant: “Quis māior est in rēgnō caelōrum?” Iēsūs autem puerum parvulum vocat et in mediō eōrum statuit. Deinde dīcit: “Vidēte hunc puerum! Nēmō in rēgnum caelōrum intrat nisi similis fīat parvulō. Quī enim sē humiliat sīcut hic parvulus, ille in rēgnō caelōrum māximus erit.” Quid est sē humiliāre? Sē humiliāre est nōn superbum esse, sed parvum sē putāre. Et quī ūnum tālem parvulum in nōmine Iēsū recipit, ipsum Iēsum recipit; sed quī ūnum dē parvulīs offendit, gravissimē peccat.

māior -ius grandior, superior
similis -e pār, eiusdem modī
humiliō -āre dēmittō, parvum faciō
superbus -a -um sē efferēns, arrogāns
parvulus -ī (m) īnfāns, puer minimus
recipiō -ere accipiō, ad mē sūmō
offendō -ere ad peccātum indūcō, laedō