Super Aquās

IllōMk 4,35–38 diē, cum vesper vēnit, Iēsūs discipulīs dīcit: “Trānseāmus ad alteram rīpam.” Itaque discipulī turbam dīmittunt et cum Iēsū in nāve abeunt; aliae quoque nāvēs cum illīs erant. Subitō magna procella ventī oritur. Flūctūs in nāvem cadunt, et nāvis aquā implētur. Iēsūs autem in puppī super pulvīnum dormiēbat. Discipulī territī eum excitant et clāmant: “Magister, nōnne cūrās? Perīmus!”

• vesper -erī (m) tempus post sōlis occāsum
• trānseō -īre ex ūnā parte in alteram eō
• rīpa -ae (f) ōra flūminis aut maris
• procella -ae (f) subita et vehemēns tempestās
• flūctus -ūs (m) unda maris commōta
• puppis -is (f) posterior pars nāvis
• pulvīnus -ī (m) mollis rēs suprā quam caput pōnitur