Legiō

IēsūsMk 5,1–8 et discipulī trāns mare veniunt, in regiōnem Gerasēnōrum. Ibi statim occurrit eī homō terribilis. Hic spīritum immundum habēbat et inter monumenta habitābat. Nēmō eum ligāre poterat: saepe hominēs eum catēnīs vīnxerant, sed ille catēnās semper rumpēbat. Nocte ac diē inter monumenta et montēs clāmābat et sē lapidibus percutiēbat. Ubi autem Iēsum procul videt, currit et ante eum prōcidit. Magnā vōce clāmat: “Quid mihi et tibi, Iēsū, Fīlī Deī summī? Nōlī mē torquēre!” Iēsūs enim eī dīcēbat: “Exī, spīritus immunde, ab homine!”

regiō -ōnis (f) pars terrae, fīnēs
occurrō -ere obviam veniō
terribilis -e quī terrōrem facit
monumentum -ī (n) sepulcrum, locus mortuōrum
ligō -āre vinciō, catēnīs teneō
catēna -ae (f) vinculum ferreum
lapis -idis (m) saxum, dūra petra