Manus Ārida

IēsūsMk 3,1–6 iterum in synagōgam intrat. Ibi est homō cuius manus ārida est. Quid est “āridus”? Āridus est siccus, sine aquā, sine vītā. Pharisaeī Iēsum observant: sī sabbatō sānat, eum accūsāre volunt. Iēsūs hominī dīcit: “Surge in medium!” Deinde omnēs rogat: “Licetne sabbatō bene facere an male? animam servāre an perdere?” Illī tacent. Iēsūs eōs cum īrā circumspicit, nam cor eōrum dūrum est; et hominī dīcit: “Extende manum tuam!” Ille extendit, et statim manus sāna fit. Sed Pharisaeī exeunt et cum Hērōdiānīs cōnsilium capiunt: Iēsum perdere volunt.

• āridus -a -um siccus, sine ūmōre
• observō -āre attentē spectō, cūstōdiō
• accūsō -āre crīmen alicui obiciō
• medium -ī (n) locus inter omnēs
• taceō -ēre nihil dīcō, sileō
• īra -ae (f) animus concitātus, furor
• dūrus -a -um rigidus, nōn mollis