Sequere Mē

IēsūsMk 2,13–14 iterum ad mare it. Magna turba ad eum venit, et Iēsūs eam docet. Deinde praeteriēns videt Levī, fīlium Alphaeī. Levī ad telōnium sedet, nam pūblicānus est. Quid est pūblicānus? Pūblicānus est quī vectīgālia colligit; tālēs virī ā Iūdaeīs nōn amantur. Iēsūs eī dīcit: “Sequere mē!” Statim Levī surgit et eum sequitur.

praetereō -īre praeter aliquem eō
telōnium -ī (n) mēnsa ubi vectīgal solvitur
pūblicānus -ī (m) quī vectīgālia colligit
vectīgal -ālis (n) pecūnia pūblica, tribūtum
colligō -ere in ūnum cōnferō, legō
sequor -ī post aliquem eō