Vae et Mandātum
IēsūsMk 12,1–12 eīs in parabolīs loquī coepit: “Homō quīdam vīneam plantāvit, sēpem circumdedit, turrim aedificāvit, et agricolīs locāvit; deinde peregrē profectus est. Tempore servum ad agricolās mīsit, ut frūctum acciperet; sed illī servum cēcīdērunt et vacuum dīmīsērunt. Alium mīsit — et illum vulnerāvērunt; et aliōs multōs, quōsdam caedentēs, aliōs occīdentēs. Postrēmō fīlium cārissimum mīsit, dīcēns: Reverēbuntur fīlium meum. Sed agricolae inter sē dīxērunt: Hic est hērēs; venīte, occīdāmus eum, et nostra erit hērēditās. Itaque eum occīdērunt et extrā vīneam ēiēcērunt. Quid ergō faciet dominus vīneae? Veniet et perdet agricolās et vīneam aliīs dabit.”
- vīnea -ae (f) ager ubi vītēs crēscunt
- plantō -āre plantās in terrā pōnō
- sēpēs -is (f) saepīmentum, mūrus vīvus
- turris -is (f) aedificium altum
- locō -āre mercēde condūcendum dō
- peregrē in terram aliēnam
- vacuus -a -um inānis, sine dōnō