Bartimæus
ErantMk 10,32–34 in viā, ascendentēs in Hierosolyma, et Iēsūs eōs praecēdēbat. Discipulī stupēbant, et quī sequēbantur timēbant. Tunc Iēsūs Duodecim sēcum sūmit et incipit eīs dīcere quae sibi ventūra essent: “Ecce, ascendimus in Hierosolyma; et Fīlius hominis prīncipibus sacerdōtum trādētur. Damnābunt eum morte et gentibus trādent; illūdent eī, cōnspuent, flagellābunt et interficient eum; sed tertiā diē resurget.”
- praecēdō -ere ante eō, anteveniō
- ventūrus -a -um quod futūrum est
- prīnceps -ipis (m) prīmus, quī praeest
- sacerdōs -ōtis (m) quī Deō sacra facit
- damnō -āre ad poenam addīcō
- illūdō -ere lūdibriō habeō, dērīdeō
- cōnspuō -ere salīvā foedō