Quīnque Pānēs

ApostolīMk 6,30–34 ad Iēsum revertuntur et omnia quae ēgerant docuerantque eī nārrant. Iēsūs autem, cum tantam multitūdinem venīre et redīre vidēret, discipulīs dīcit: “Venīte sēorsum in locum dēsertum et paulum requiēscite.” Itaque nāvem cōnscendunt ut sēcēdant. Sed turbae, ubi eōs abīre vident, per terram concurrunt et priōrēs ad locum perveniunt. Iēsūs igitur, ē nāve ēgressus, magnam turbam videt; et misertus est eōrum, quia erant sīcut ovēs pāstōrem nōn habentēs. Coepit ergō eōs multa docēre.

• revertor -ī redeō, retrō eō
• sēorsum sēparātim, in locō sēcrētō
• requiēscō -ere quiētem capiō, cessō
• cōnscendō -ere in nāvem ascendō
• sēcēdō -ere ā turbā recēdō
• concurrō -ere ūnā currendō conveniō
• misereor -ērī dolōre aliēnō moveor