Rhēnus Iterum

Tumultū tandem lēnītō — “nōn sine blanditiārum genere variō,” ut Ammiānus fatētur: verbīs mollibus, prōmissīs, patientiā — Iūliānus pontem nāvālem iterum contexit et Rhēnum iterum trānsit. Pōns nāvālis est pōns ex nāvibus iūnctīs factus. “Terrīs Alamannōrum calcātīs”: iterum pēs Rōmānus terram barbaram calcat — sed hōc annō nōn ut vāstet: ut fīniat. Duo rēgēs restant ex illīs quī apud Argentorātum pugnāvērunt: Suomārius et Hortārius. Hīs domitīs, opus Galliae perfectum erit.

• blanditiae -ārum (f) verba mollia et dulcia
• fateor -ērī vērum esse dīcō
• contexō -ere iungendō faciō
• calcō -āre pede premō