HŪMĀNITĀS

Huic virtūtī Rōmānī templum nōn aedificant. Sed rem parvam habent, quae hūmānitātem docet. Ecce: duo virī amīcī fīunt. Alter alterum in domō suā accipit et cibum eī dat. Nunc semper amīcī sunt. Tum tabulam parvam capiunt: ūnus ūnam partem tenet, alter alteram. Haec pars ā patre ad fīlium it. Multōs post annōs homō ad portam venit et alteram partem tenet. Statim eum accipiunt: amīcus est. Etiam sī virī prīmī iam mortuī sunt, fidēs manet.