Aliā Viā

Omnēs exspectābant bellum — nēmō hanc viam. Cōnsilium Iūliānī duplex erat: prīmum, vidērī ubīque; deinde, esse ubi nēmō crēderet. Cōpiās igitur trifāriam dīvīsit: Iovīnum et Iovium per Ītaliam mīsit, Nevittam cum mediīs cōpiīs per Raetiam — ut fāma exercituum multōrum omnēs prōvinciās simul impleret — ipse autem cum tribus mīlibus expedītōrum per silvās dēnsās ad fontēs Dānuviī contendit. Ibi rem invēnit quā tōtum iter mūtāvit: nāvēs. Quod deinde factum est, lege ipsīs verbīs — et fābulam parvam in mediā fābulā quaere: nam Ammiānus hīc, mōre optimōrum scrīptōrum, historiam veterem intrā historiam novam condidit.

• trifāriam in trēs partēs
• expedītus -ī (m) mīles sine impedīmentīs
• fōns, fontis (m) orīgō flūminis
• condō -ere hīc: inclūdō, īnserō