Atuatucī

Atuatucī — quī cum omnibus cōpiīs auxiliō Nerviīs veniēbant — hāc pugnā nūntiātā ex itinere domum revertērunt. Cūnctīs oppidīs castellīsque dēsertīs, sua omnia in ūnum oppidum ēgregiē nātūrā mūnītum contulērunt. Quāle oppidum! Ex omnibus in circuitū partibus altissimās rūpēs habēbat; ūnā tantum ex parte lēniter acclīvis aditus relinquēbātur, in lātitūdinem nōn amplius pedum ducentōrum. Quid est rūpēs? Rūpēs est saxum altum et praeceps. Hunc aditum duplicī altissimō mūrō mūnīverant; tum magnī ponderis saxa et praeacūtās trabēs in mūrō collocābant. Quid est trabs? Trabs est magnum lignum, māteria aedificiī.

• rūpēs -is (f) saxum altum praeceps
• circuitus -ūs (m) quod circum locum it
• pondus -eris (n) gravitās
• trabs, trabis (f) magnum lignum