Dumnorīx

Caesar sentit Liscum plūra timēre quam dīcere. Itaque concilium dīmittit — Liscum sōlum retinet. Quid est retinēre? Retinēre est tenēre nē discēdat. Nunc, sine testibus, Liscus līberius loquitur. Quid est līberius? Līberius est cum minōre timōre. Caesar quaerit: “Dīc mihi, Lisce: quis est ille homō potēns dē quō in conciliō locūtus es?” Liscus circumspicit… deinde susurrat: “Dumnorīx est. Frāter Dīviciācī.”

• sentiō -īre animō intellegō
• dīmittō -ere discēdere iubeō
• retineō -ēre teneō nē discēdat
• susurrō -āre vōce minimā loquor