Rēgnum Appropinquat

PostquamMk 1,14–15 Iōannēs in carcerem missus est, Iēsūs in Galilaeam venit. Ibi ēvangelium Deī praedicat et dīcit: “Tempus iam plēnum est, et rēgnum Deī appropinquat. Agite paenitentiam et crēdite ēvangeliō!” Quid est paenitentia? Paenitentia est mūtātiō animī: quī paenitentiam agit, ā peccātīs ad Deum convertitur. Appropinquāre autem est prope venīre.

• carcer -eris (m) locus ubi vīnctī tenentur
• appropinquō -āre prope veniō, adsum
• plēnus -a -um complētus, nōn vacuus
• paenitentia -ae (f) mūtātiō animī, dolor
• crēdō -ere vērum esse putō, cōnfīdō
• convertō -ere vertō, in aliam viam dūcō