Trecentī Fortēs

In valle profundā Ītaliae exercitus Rōmānus magnō in perīculō versātur! Hostēs astūtissimī Rōmānōs in locum pessimum perdūxērunt! Quis est centuriō quī hodiē trecentōs virōs ad mortem glōriōsam dūcet? Nōmen eius incertum trāditur: aliī eum Labērium vocant, nōnnūllī Quintum Caedicium, sed plūrimī auctōrēs eum Calpurnium Flammam fuisse scrībunt. Hic vir immortāle nōmen sibi parābit!

profundus -a -um valde altus, imus
incertus -a -um dubius, varius
nōnnūllī aliquī, quīdam
immortālis -e quod semper manet