FABIĪ MAXIMĪ
QUIS EST FABIUS?
Ecce vir magnus! Ecce vir Rōmānus magnus et sapiēns! Quis est hic vir? Hic vir est Fabius. Sed nōn tantum Fabius. Quod est nōmen plēnum eius? Quintus Fabius Maximus est nōmen plēnum eius. Sed Fabius etiam aliud nōmen habet. Quod aliud nōmen? Fabius vocātur Cūnctātor. Quid significat Cūnctātor? Cūnctātor significat "quī cūnctātur". Quid est cūnctārī? Cūnctārī est exspectāre. Cūnctārī est nōn statim facere.
- Cūnctātor -ōris (m) quī morātur et exspectat
- cūnctor -ārī moram interpōnere
- statim sine morā