Dēditiōnēs

Postrīdiē eius diēī Caesar — priusquam sē hostēs ex terrōre ac fugā reciperent! — in fīnēs Suessiōnum exercitum dūxit et magnō itinere ad oppidum Noviodūnum contendit. Semper eadem ars Caesaris: celeritās! Id oppidum ex itinere oppugnāre cōnātus est, quod vacuum ab dēfēnsōribus esse audiēbat. Sed — rēs mīra! — propter lātitūdinem fossae mūrīque altitūdinem, paucīs dēfendentibus, expugnāre nōn potuit. Paucī virī, bonus mūrus: satis est. Etiam Caesar interdum prīmō impetū repellitur.

• postrīdiē diē sequente
• priusquam antequam
• vacuus -a -um sine rēbus, sine virīs
• interdum nōnnumquam
• altitūdō -inis (f) quam altus est
• librō (liber) id quod legimus