Mūrus Caesaris

Dum Helvētiī respōnsum Caesaris exspectant, mīlitēs Rōmānī nōn quiēscunt. Quid est quiēscere? Quiēscere est nihil agere, in ōtiō esse. Immō mīlitēs labōrant — diē et nocte labōrant! Quid faciunt? Rem incrēdibilem faciunt: mūrum aedificant. Quid est mūrus? Mūrus est saxa et terra in altum structa, quae hominēs prohibet. Quid est aedificāre? Aedificāre est domum aut mūrum facere.

• quiēscō -ere nihil agō, in ōtiō sum
• labōrō -āre opus faciō
• mūrus -ī (m) saxa alta quae locum claudunt
• aedificō -āre domum aut mūrum faciō
• incrēdibilem quod crēdere vix possumus