Dīvicō

Post clādem Tigurīnōrum Caesar nōn quiēscit. Reliquās cōpiās Helvētiōrum persequī vult. Quid est persequī? Persequī est post aliquem īre ut eum capiās. Sed flūmen Arar in viā est! Quid facit Caesar? Pontem in Ararī aedificārī iubet. Et — rem mīram audī! — pōns ūnō diē perficitur. Quid est perficere? Perficere est ad fīnem facere, complēre. Helvētiī vīgintī diēbus flūmen trānsierant; Caesar exercitum ūnō diē trādūcit!

• clādēs -is (f) magna calamitās in bellō
• persequor -ī post aliquem eō
• perficiō -ere ad fīnem faciō
• vīgintī bis decem